19 de dezembro de 2015

A NOITE, LOBA ESCURA



A NOITE, LOBA ESCURA

A noite é unha loba escura de ollos brillantes
que pasa impactante e imparábel
e mentres ti, déixaste levar…
cos zapatos de fino tacón, os leggins axustados
e o sorriso Cheshire plastificado
que se derrete pinga a pinga,
ante o esplendor tan lúcido da mirada
que te trae de volta a casa
cos zapatos na man, o vaso baleiro de cristal
e o xuramento nos labios de non volver xamais
a mirarlle aos ollos á loba tan escura que pasa
porque pasa o amor
como unha corrente de aire
frío
que che deixa dorida a garganta.

Licencia de Creative Commons  

Sem comentários:

Enviar um comentário