óleo
Cando
che digan que estás distinta,
pareces outra, un
cambio impresionante,
que estás moito máis
nova!
Ti sorrí, eles non
saben…
que decidiches
marchar, que xa non estás
que a quen agora ven
en ti é a outra
e non a aquela que
coñecen
que os teus ollos
cando os miran
recordan só o túnel
escuro
polo que decidiches
saír.
Ti sorrí, e non lles
digas… non fará falta
Que agora es feliz
como unha cuncha núa
batida polo mar
que á fin chegou á
beira, e na area
descansa o seu corpo
agora brillante,
puído polos golpes
ao cálido sol e un ceo
azul
6 decembro 2013
Sem comentários:
Enviar um comentário