COMEZO E FIN DE TEMPORADA

COMEZO E FIN DE TEMPORADA

Adeus dixen á illa

á grata sorpresa

das súas pendentes escarpadas

á profundidade máis íntima

que me acolleu, crepitante

suave e salvaxe a un tempo.

Adeus dixen á illa,

á que me desgarrou a punta de navalla

á que sempre hei de volver

calor, calor, calor e doce

plátano frito quente, veludo azul

na memoria, e pube

que me eleva á cordilleira

fronteira desexada

na que a vontade esvaro,

illa que me cerca.

Cangas do Morrazo, agosto 2014