O pobo KICHWA, indíxena na Amazonia Ecuatoriana, está na actualidade organizado en Comunidades, e as mulleres están en pleno proceso de empoderamento.
Vai por elas…
ALCONCHEL GARCÍA, M. E Y TÁBOAS PAZOS, E. (Eds) 2010. Kallari Muskuy Warmi Wankurishka – Antiguos Sueños de Mujeres Organizadas. Quito., Ecuador: Paz y Desarrollo ONGD & Agencia Española de Cooperación Internacional para el Desarrollo (AECID).
A Estíbaliz Táboas,
pola súa entrega
MULLER KICHWA
o teu sorriso é como auga doce a discorrer
e cae o mundo nun parto vertical
aos teus pés,
descalzos.
KICHWA WARMI
carga sempre co wawa1 ao lombo
o canastro, a chicha2, o machete
e o wawa tamén sorrí.
KICHWA WARMI
leva arelas nos ollos
o home non leva nada…
ela carrexa ás costas,
un feixe de soños.
MULLER KICHWA
que pintas a cara
e danzas e cantas
sementas a yuca na chacra3
canta, WARMI, canta
pide a palabra
que túa é, a nosa voz.
Raquel Pazos Garrido
18 Xaneiro de 2011
1 Wawa: Neno/a, Bebé
2 Chicha: Alimento bebible, elaborado a partir de yuca
3 Chacra: Espazo físico de producíón para o sustento da familia e no que se produce e reproduce a cultura Kichwa.
agradecida e emocionada, como o estarán elas ao saberse pensadas e nomeadas dende outros lugares do mundo.
ResponderEliminarmuitos, muitos beijos
esti